Fuxan os Ventos

O que hoxe é un dos grupos galegos por excelencia, tivo o seu berce no 1972 nun colexio de Lugo, cun grupo de cativas e cativos que decidiu formar “Folk 72” e participar no III Festival As San Lucas de Mondoñedo (Lugo), onde gañaron o primeiro premio con “Fuxan os ventos”, tema que lle daría nome á futura agrupación.

O carácter musical da banda foise definindo e mergullouse no patrimonio musical galego para devolverlle o pulo á música tradicional galega en medio duns convulsos anos 70. Entre 1979 e 1985 Fuxan os Ventos acada o seu momento álxido, con actuacións fóra dos lindes galegos e mesmo españois con sonadas xiras europeas.

Hoxe, logo dunha traxectoria de máis de 30 anos e oito traballos editados, os nove músicos e músicas de Fuxan os ventos presentan o álbum “Terra de soños”.

 Multimedia