VL & R

Suso Vaamonde, Xosé Lois Romero e Pedro Lamas, tres músicos ben coñecidos da escena galega, únense desta volta no proxecto VL & R. No conxunto conflúen tres traxectorias que pasaron por diferentes estilos, coma o jazz, o folk ou a fusión, conseguindo unha nova combinación chea de talento musical, mais tamén de retranca.

O primeiro traballo da agrupación viu a luz no 2008 baixo o nome de “Vellas artes” e con el quedou demostrado o bo facer destes tres músicos, ademais do humor que, como eles din, boa falta fai en tempos de crise.

Facebook   |   MySpace

Malvela

Malvela son Fita, Clara, Silvina, Carme, Carmiña, Clara, Dina, Aurita, Merchi, Lina, Maruxa, Juaniña, Adela e Carmen. Catorce mulleres que rescatan a música das súas lembranzas e que forman a agrupación que deveu dun cursiño de canto popular dirixido por Uxía Senlle.

Os froitos do coidado e a paixón destas mulleres foron os traballos “Que o pano non me namora”, “O Aguinaldo” e “Da miña xanela á túa”, cos que demostran que a idade non é impedimento para se divertir ao mesmo tempo que recuperan o patrimonio musical da bisbarra de Mos.

Myspace

 Multimedia